Odamlar o‘z xatolarini qanchalik aniq tushunishlarini shundan ham bilsa bo‘ladiki, ular o‘z xatti-harakatlari haqida hikoya qilar ekanlar, buni doimo olijanoblik bilan ko‘rsata oladilar.

Biz ko‘pincha o‘zimizni oqlash uchun maqsadga erisha olmasligimizga o‘zimizni ishontiramiz; aslida esa muammo ojizlikda emas, irodasizlikdadir.

Kitoblarni emas, odamlarni o‘rganish foydaliroqdir.

Kimki “boshqalarsiz ham yashay olaman” deb o‘ylasa — adashadi; ammo “boshqalar mensiz yashay olmaydi” deb o‘ylagan odam esa yanada kattaroq xato qiladi.

Mag‘rurlik barchamizda bor: farqi qayerda va qachon namoyon bo‘lishida.

Mehmonxona yaxshi yoki yomon, arzon yoki qimmat bo‘lishi ahamiyatsiz. Xonaga kirasiz-u, bir martalik sovun, bir martalik stakanchalarni ko‘rasiz va o‘zingizning ham bu yerda bir martalik ekaningizni anglaysiz. Ko‘pi bilan ikki martalik.

Baxt — tushunish; katta baxt — sevish; haqiqiy baxt — sevish va sevilinganingni his qilish.

Nafrat, gunoh va hasaddan qoch! Orzuingni ko‘mishga yo‘l qo‘yma, uni haqiqatga aylantir. Olg'a intil va yasha.

Faoliyatim davomida 9000 marta xatoga yo‘l qo‘ydim. Men deyarli 300 ta o‘yinda yutqazdim. 26 marta menga hal qiluvchi zarba ishonib topshirilgan va men xatoga yo‘l qo‘yganman. Hayotimda qayta-qayta mag‘lubiyatga uchradim. Shuning uchun ham men omadliman.

Hayot sizga kulib boqishini istasangiz, avvalo unga o‘zingizning yaxshi kayfiyatingizni hadya eting.

O‘zgarishlarning siri eskilikka qarshi kurash emas, yangilik yaratishga e’tibor qaratishdadir.