Eng sara hikmatlar, ma'noli so'zlar, aforizmlar

Agar muammoni hal qilish mumkin bo‘lsa, tashvishlanishga o'rin yo'q.

Boshqalarni g‘azablantiradigan har qanday narsa o‘zingizni tushunishga olib kelishi mumkin.

Qat’iyatli bo‘lsam, har qanday to‘siqni yengib o‘taman.

Doimo quyoshga qarang - soyalar ortingizda bo‘ladi.

Muvaffaqiyatsizlik - bu yangidan boshlash imkoniyati, lekin yanada mukammalroq.

Ishni har doim shubha tug‘diradigan narsadan boshlash kerak.

Harakatni boshlash eng qiyini, qolgan hamma narsa faqat qat’iyatga bog‘liq.

Inson aqli nimaiki tushunishga qodir bo‘lsa va nimaga ishonishga qodir bo‘lsa, hammasiga erishish mumkin.

Bilishning o‘zi yetarli emas, bilimdan foydalanish kerak. Biror narsani xohlamoq kamlik qiladi, amalda qilish kerak.

Vaziyatni o‘zgartirishga qodir bo‘lmay qolganimizda, o‘zimizni o‘zgartirishimiz kerak.

Oxir-oqibat hammasi yaxshi bo‘ladi. Agar hozircha yaxshi bo‘lmasa, demak, bu hali oxiri emas.

Barcha orzularimiz ro‘yobga chiqishi mumkin, agar ularni amalga oshirishga jur’atimiz yetsa.

G‘alaba qozonish uchun jangda bir martadan ortiq kurashishingizga to‘g‘ri kelishi mumkin.

Maqsadlaringizga erishgandan keyin nima olishingiz emas, balki uni amalga oshirgandan keyin kim bo‘lishingiz muhimroqdir.

Hamma gap fikrda. Fikr boshlanish demakdir. Fikrlarni ham boshqarish mumkin. Shuning uchun rivojlanishning asosiy vazifasi fikrlar ustida ishlashdir.

Qo‘lingizdan keladigan hamma narsani, hatto orzu qilishingiz mumkin bo‘lgan ishlarni boshlang. Jasoratda daholik, kuch va sehr bor.

Aslida, hayot oddiy, lekin biz uni murakkablashtiramiz.

Baxt tayyor osh emas. Baxt faqat sizning harakatlaringizga bog‘liq.

Faoliyatim davomida 9000 marta xatoga yo‘l qo‘ydim. Men deyarli 300 ta o‘yinda yutqazdim. 26 marta menga hal qiluvchi zarba ishonib topshirilgan va men xatoga yo‘l qo‘yganman. Hayotimda qayta-qayta mag‘lubiyatga uchradim. Shuning uchun ham men omadliman.

Inson qaysi bandargohga yo‘l olayotganini bilmasa, unga hech qanday shamol hamroh bo‘lmaydi.