Eng sara hikmatlar, ma'noli so'zlar, aforizmlar

Haqiqiy tarbiya tabiatga mos ravishda rivojlanishga intiladi, lekin vaqtidan oldin yetilishga emas.

Bola o‘zini sevgan insonni seva oladi. Uni faqat mehr-muhabbat bilan tarbiyalash kerak.

Tarbiya baxtli kunlarda ko‘rk, baxtsizlik damlarida panohdir.

Oddiy, qo‘pol odamni qayta tarbiyalash mumkin, ammo o‘zini nozik deb hisoblaydigan kishi tuzatib bo‘lmas darajadadir.

Tarbiyachimiz bizning voqeligimizdir.

Har bir kishida ikki xil tarbiya mavjud: biri boshqalar tomonidan beriladigan tarbiya, ikkinchisi esa, o‘zi uchun muhimroq bo‘lgan, o‘ziga o‘zi beradigan tarbiya.

Sevgan odamlardan o‘rganiladi.

Biz kimlardan o‘rgansak, ularni ustozlarimiz deb ataymiz, lekin bizga ta’lim beradiganlarning barchasi ham bu nomga munosib emas.

Qattiq intizom orqali ko‘p narsaga erishish mumkin, sevgi bilan undan-da ko‘prog‘iga, ammo eng ko‘p natijaga ishni yaxshi bilish va shaxsga nisbatan adolatli bo‘lish orqali erishiladi.

Chinakam o‘quvchi ma’lum bilimlar yordamida noma’lum jihatlarni o‘rganishga intiladi va shu orqali o‘qituvchisiga tobora yaqinlashib boradi.

Tarbiya qanchalik mukammal bo‘lsa, xalqlar shunchalik baxtli bo‘ladi.

Tarbiya, asosan, qalbimizga shaxs va jamiyat uchun foydali bo‘lgan odatlarni singdirishi lozim.

Har bir mamlakatda odamlarni shakllantirish san’ati boshqaruv shakli bilan shunchalik chambarchas bog‘liqki, davlat tuzumining o‘zida o‘zgarishlar ro‘y bermasa, ijtimoiy tarbiyada biron-bir sezilarli o‘zgarish sodir bo‘lishi deyarli mumkin emas.

Tarbiyaning maqsadi insonni mustaqil, ya’ni mustahkam irodaga ega bo‘lgan insonga aylantirishdir.

Axloqsiz munosabatlar orasida bolalarga qullarday munosabatda bo‘lish axloqsizlikning yaqqol ko'rinidhidir.

Tarbiya qobiliyatni rivojlantiradi, lekin uni yaratmaydi.

Tarbiyachi rassom singari tug‘ma bo‘lishi kerak.

Odat yoshlikdan mustahkamlanib boradi; buni biz tarbiya deb ataymiz, aslida u erta shakllangan odatdan boshqasi emas.

Одат инсоннинг \"иккинчи табиати\" ҳисобланади ва кўникмаларни ўзлаштиришдан иборат бўлган тарбия бизга айнан шу иккинчи табиатни шакллантириб беради.

Agar yaxshi tarbiya ko‘rgan bo‘lsangiz, tarbiyasiz odamlar bilan qo‘shilib ketmang: silliqlangan yuzalarni g‘adir-budur sirtlar tirnab qo‘yadi.\n\n\n