Insonga u istagan hammasini bering va shu zahoti u bularning hammasi emasligini his qiladi.

Biri ko‘lmakka qarab unda loyni ko‘radi, boshqasi esa unda aks etgan yulduzlarni payqaydi.

Bolalarga o‘rgatiladigan fanlar ularning yoshiga mos kelishi lozim, aks holda ularda aqlparastlik, modaparastlik va shuhratparastlik rivojlanib qolishi xavfi mavjud.

Inson tabiatiga ko‘ra nafaqat kelajakdagi sog‘lig‘iga g‘amxo‘rlik qilish uchun, balki hozirgi kunda ham o‘zini yaxshi his qilgani uchun me’yorni saqlashga intiladi.

Fikrlash – o‘z-o‘zi bilan suhbatlashish demakdir.

Har bir kishida ikki xil tarbiya mavjud: biri boshqalar tomonidan beriladigan tarbiya, ikkinchisi esa, o‘zi uchun muhimroq bo‘lgan, o‘ziga o‘zi beradigan tarbiya.

Bolaning erkinligi qanchalik ko‘p bo‘lsa, jazolash zarurati shunchalik kam bo‘ladi. Rag‘batlantirish qanchalik ko‘paysa, jazo berish shunchalik kamayadi.

Insonning axloqiy fazilatlarini uning alohida harakatlariga emas, balki kundalik turmush tarziga qarab baholash lozim.

Bolaga beradigan eng yaxshi sovg‘amiz uni sevish emas, balki uni o‘zini sevishni o‘rgatishdir.

Farzandlaringizni ezgulik yo‘lida tarbiyalang: bu - baxtning kaliti.

Odat yoshlikdan mustahkamlanib boradi; buni biz tarbiya deb ataymiz, aslida u erta shakllangan odatdan boshqasi emas.