To‘g‘ri yasha, bor narsangga shukr qil, erkin bo‘l, ozodligingni va or-nomusingni asra. G‘am chekma, hasad qilma, sendan boy yoki kambag‘al odamlar dunyoda son-sanoqsizdir.

Inson qalbi qanchalik past bo‘lsa, burnini shunchalik baland ko‘taradi. U qalbi yetib bormagan joyga burnini suqadi.

Ko‘p narsani bilgan odam emas, o‘zini anglagan inson donishmanddir.

Aqlli inson hech qachon, hech kim bilan uch narsani o‘rtoqlashmaydi: o‘zining eng yashirin qo‘rquvlarini, o‘tmish haqidagi afsus-nadomatlarini va kech kelganining sabablarini.

Aqlsiz odamga tushuntirishdan nima foyda!

Aka do‘st bo‘lmasligi mumkin, ammo do‘st doimo birodardir.

Do‘stlar nafaqat qiyinchilikda, balki shodlikda ham tanib olinadi. Sening yutuqlaringga chin dildan quvona olmaydigan kishilar haqiqiy do‘sting emas.

Haqiqiy do‘st - qo‘lingizni ushlab turib, qalbingizni his eta oladigan insondir.

O‘zingizdan a'lo insonlar bilan albatta do‘stlashing. Til topishishga qiynalasiz, lekin o‘sasiz.

Do‘stlar va qarindoshlar moliyani taqsimlashda bilinadi.

Menga har narsada fikrimga qo‘shilib, boshini likillatib, qarashlarimni o‘zgartiradigan do‘st kerak emas, chunki soya bundan ham yaxshiroq qila oladi.