Eng sara hikmatlar, ma'noli so'zlar, aforizmlar

Kelajakka qadam qo‘yar ekanmiz, o‘tmishga nazar tashlaymiz.

Yaxshi tarbiya insonni tarbiyasiz kishilardan ishonchli tarzda himoya qiladi.

Odamlarni muhokama qilishni boshlasangiz, ularni sevishga vaqtingiz qolmaydi.

Bolalar doimo biror narsa bilan qiziqib shug‘ullanishni xush ko‘radilar. Bu juda foydali, shuning uchun buni to‘xtatish u yoqda tursin, aksincha ularning har doim mashg‘ul bo‘lishi uchun sharoit yaratib berish lozim.

Intizomning eng yaxshi maktabi - bu oila.

Agar bola sizning uyingiz unga ham tegishli ekanini his etmasa, u ko‘chani o‘ziga makon qilib oladi.\n\n

Shirinliklar, pechene va konfetlar bilan bolalardan sog‘lom insonlarni tarbiyalab bo‘lmaydi. Jismoniy ozuqa kabi, ma’naviy ozuqa ham oddiy va to‘yimli bo‘lishi lozim.

Ota-onalarning birinchi muammosi - farzandlariga madaniyatli jamiyatda o‘zlarini qanday tutishni o‘rgatish; ikkinchisi esa - o‘sha madaniyatli jamiyatni topish.\n\n

Tarbiyaning maqsadi farzandlarimizni bizsiz mustaqil hayot kechirishga o‘rgatishdir.

Farzandlaringizni ezgulik yo‘lida tarbiyalang: bu - baxtning kaliti.

Bolalarni chiroyli tarbiya qilishning eng zo‘r usuli ularni baxtli etishdir.

Yuzta o‘qituvchidan bitta ota yaxshi.

Tarbiyaning maqsadi boshqalar tomonidan boshqariladigan emas, balki o‘zini o‘zi boshqara oladigan shaxsni shakllantirishdir.

Chaqaloqlar qayerda bo‘lmasin, bir xil yig‘laydi. Ular ulg‘ayganida esa, odatlari turlicha bo‘ladi. Bu tarbiyaning natijasidir.

Yaxshi tarbiya dasturxonga sous to‘kib qo‘ymaslikda emas, balki boshqa birov shunday qilganini payqamaslikdadir.

Inson tarbiyasi tug‘ilgandan boshlanadi; u gapira olmaydi, tinglay olmaydi, lekin u o‘rganishni boshlagan.

Tarbiya maktab bilan cheklanmaydi.

Kimki shogird bo‘lmagan bo‘lsa, ustoz bo‘lolmaydi.

Eng yaxshi pand-nasihatlar bo‘lsa-da, agar ular misollar bilan mustahkamlanmasa, o‘quvchining ko‘z o‘ngida uni qurshab turgan butun voqelik bilan tasdiqlanmasa, bunday o‘gitlarning qiymati qolmaydi.

Bolani yaxshi tarbiyalamoqchi bo‘lgan kishi, doimo adolatli bo'lishi lozim.