Olijanoblik va razillik, jasurlik va qo‘rquv - hammasi tug‘ilganimizdan boshlab tanamizga singib ketgan. Biz o‘la-o‘lgunimizcha yaxshilanmaymiz ham, yomonlashmaymiz ham.

Biri atirgulning hidini ajrata olmaydi. Boshqasi achchiq o‘tlardan asal oladi. Kimgadir arzimas narsa bersang, umrbod eslab qoladi. Kimgadir butun umringni bersang ham, u tushunmaydi.

Odamlarga soddaroq munosabatda bo‘l. Donoman deb o‘ylaysanmi? Donoliging bilan boshqalarga ozor berma.

Bir marta xoinlik qilgan kishi yana ko‘p bor xoinlik qiladi.

Sen - la’l izlash yo‘liga chiqqan konsan, Sen - visol umidi bilan yashovchi seviklisan. Bu sodda, ammo dono so‘zlar mag‘zini angla: Nimani izlasang, albatta o‘zingdan topasan!

Sog‘liqni saqlashning yagona yo‘li - istamaganni yeyish, yoqtirmaganni ichish va xushlamagan ishni qilishdir.

Yolg‘iz aqlli bo‘lgandan ko‘ra, hamma qatori xato qilgan yaxshi.

Insonlar bahsda va yo‘lda bilinadi.

Minnatdorchilik – eng subyektiv tuyg‘ulardan biridir. Har kim o‘zgani men uchun qilganidan ko‘ra, men u uchun ko‘proq ish qildim, deb o‘ylaydi va shuning uchun o‘zganing emas, o‘zining minnatdorchilikka loyiqroq ekaniga ishonadi. Shu sababli, u minnatdorchilik bildirish o‘rniga, minnatdorchilik kutadi.

Yasha, sayohat qil, hech nimadan afsuslanma va taqdirga shukr qil.

Insonni baxtli qilish vazifasi dunyoning yaratilish rejasiga kiritilmagan.