Muvaffaqiyat

Pulsiz ledi bo‘lish mumkin emas.

Baxt har doim o‘zing xohlagan ishni qilishda emas, balki har doim qilayotgan ishingni xohlashingdadir.

Mehnat rohatning otasidir.

Harakat ishtahani qo‘zg‘atganidek, mehnat ham rohat-farog‘atga bo‘lgan intilishni uyg‘otadi.

Mehnat qiling! Dangasalik bilan yashashni istaganlar uchun dunyo jannatga aylanmaydi.

Mehnat barchasini yengadi.

Baxt ko‘p mehnat qilgan odamga nasib etadi.

Shuhrat - mehnat qo‘lida.

Har qanday mehnat va ishda erishilgan muvaffaqiyat odamlar o‘rtasida o‘zaro hasadni keltirib chiqaradi. Bu esa behuda urinish va ruhiy azobdan boshqa narsa emas!

Jismoniy mehnat ezgulikka xizmat qiladigan ishdir.

Kim tirishqoq bo‘lsa, yashash imkoniyatiga ega bo‘ladi, kim tirishqoq bo‘lmasa, yashash imkoniyati qiyin kechadi.

Qancha yashashimizni bilmaymiz; yashaganimizni isbotlaydigan ishlarni qoldiraylik!

Buyuk insonlarni mehnat quvvatlantiradi.

Hayotda hech nima katta mashaqqatsiz qo‘lga kiritilmaydi.

Mehnat shunday bo'lsinki, ham foyda va sharaf bo‘lsin.

Barchasini mashaqqatli mehnat yengadi.

Mehnat olijanoblikning yagona unvonidir. Bu ijodkor insonning qudrati va quvonchidir. Mehnat kishilik jamiyati manfaati yo‘lidagi har bir - kamtarona va ulug‘vor ijodiy ishda namoyon bo‘ladi.

Mehnat har qanday boylikning manbaidir. Lekin u bundan ham cheksizroq kuchga ega. U insoniyat hayotining birinchi asosiy shartidir, shu bilan birga mehnat insonning o‘zligini yaratdi.

Mehnat zavqi - bu avvalambor qiyinchiliklarni yengib o‘tish quvonchi, mana, biz jismoniy va ma’naviy kuchimizni sarflab, g‘olib bo‘ldik, uzoq vaqt intilib kelgan cho‘qqiga ko‘tarildik, deb faxr bilan his qilish va boshdan kechirishdir. Mehnat quvonchi - cho‘qqi sari sabot bilan harakat qilishda, tabiat kuchlari ustidan g‘alaba qozonishda.

Muvaffaqiyatli inson bo‘lishga emas, balki qadrli bo‘lishga intiling.

Qo‘lingizdan kelishiga ishonsangiz bas, maqsadga oz qoldi.

Muvaffaqiyat uzil-kesil emas, mag‘lubiyat halokatli emas. Faqat davom etish uchun jasorat kerak.

Bizning hayotimizda sevgan kasbimiz bilan shug‘ullanish, kimnidir sevish va nimadandir umid qilsak, quvonch hamrohimizga aylanadi.

Dunyoga foyda keltirish baxtli bo‘lishning yagona yo‘lidir.

Hayotda bir marta ham yiqilmaslik eng katta yutuq emas. Eng muhimi, har safar o‘rnidan turib ketishdir.

Sen genetikam yomon, moddalar almashinuvim yaxshi emas deyishing mumkin, lekin buning o‘rniga shunchaki divandan turib, o‘z ustingda ishlashni boshlashing, maqsad qo‘yib, o‘zingga ishonishing mumkin. Bunday holda sen, albatta, muvaffaqiyatga erishasan.

Hech qachon hamma narsani bilaman deb o‘ylamang. Sizni qanchalik yuqori baholamasinlar, o‘zingizga: "Men nodonman," deyishga hamisha jur’atli bo‘ling.

Mag‘lubiyat mag‘lubiyat emas, agar siz uni ongingizda tan olmasangiz.

Harakatlar qilishning qanchalik muhimligidan hayratga tushdim. Faqat bilishning o‘zi yetarli emas ekan, bilimni qo‘llash zarur. Biror narsani shunchaki xohlashning o‘zi kamlik qiladi, uni amalga oshirish kerak.

Men vaziyat qurboni emasman, men o‘z qarorlarim natijasiman.

Maqsadning aniqligi barcha yutuqlarning boshlang‘ich nuqtasidir.

Ular: "Qanday qilib o‘n besh daqiqada hamma ishni uddalay olasan?" deb so‘rashadi. Men javob beraman: "Bu oddiy. Bir soniyani ham behuda o‘tkazmaslik kerak."

Muvaffaqiyat - bu optimizmni yo‘qotmasdan mag‘lubiyatdan mag‘lubiyatga o‘tish qobiliyatidir.

Muvaffaqiyatga erishish uchun o‘zingizning qaroringiz hamma narsadan muhimroq degan fikrga doimo ishoning.

Zaif odamlar umr bo‘yi boshqalardan kam bo‘lmaslikka harakat qilishadi. Qanday bo‘lmasin, hammadan zo‘r bo‘lish kerak.

Ilm - tartibga solingan bilimlar, donishmandlik esa - tartibga solingan hayotdir.

G‘alaba - bu hali hammasi emas, hammasi - bu doimiy g‘alaba qozonish istagi.

Men hech qachon o‘zimni oqlamaganim va boshqalarning bahonalarini qabul qilmaganim uchun muvaffaqiyatga erishdim.

Chet tilida so‘zlashish - uning dunyosi va madaniyatini egallash deganidir.

G‘alaba qozonish uchun avvalo o‘ynash kerak.

Mehnat bilan hammasini yengib o'tish mumkin.

Qilayotgan har bir ishni, hatto aqlsizlik bo‘lsa ham, yaxshilab bajarish kerak.

Hayot kino emas, undagi voqealar rivojini kuzatish ancha murakkab, xatti-harakatlarning sabablari ba’zan yashirin yoki soxta bo‘ladi. Ma’no faqat sening shaxsiy his-tuyg‘ularingda - baxt hissidan tashqari hamma narsa nisbiydir. Yoki baxtsizlik hissi.

Biz o‘zimizni nimaga erishishga qodir ekanligimizga qarab baholaymiz; boshqalar esa bizni nimaga erishganligimizga qarab baholaydilar.

Eng muhimi, odamlarni o‘zlari shug‘ullanmoqchi bo‘lgan sohada muvaffaqiyatga erishishlari uchun ruhlantirish va ilhomlantirish yo‘llarini izlashdir.

Doimo o‘zingiz eplay olaman deb o‘ylaganingizdan ham ko‘proq narsani orzu qiling va unga intiling. Zamondoshlaringiz yoki o‘tmishdoshlaringizdan ustun bo‘lish haqida tashvishlanmang. O‘zingizdan ham yaxshiroq bo‘lishga harakat qiling.

Hayotda sizda ikkita tanlov bor: qilayotgan ishingizni yaxshi ko‘rishingiz yoki yomon ko‘rishingiz mumkin. Men o‘z ishimni sevishni tanladim.

Agar hammasi mukammal bo‘lganida, siz hech qachon o‘qimagan va o‘smagan bo‘lardingiz.

Hayot o‘z-o‘zidan hech nima bermaydi. Harakat qilib, o‘z maqsadlaringizga erishishingiz lozim. Eng qiziqarlisi ham aynan shunda.

Hayotdagi maqsadim nafaqat yashash emas, balki muvaffaqiyatga erishish, buni ehtiros, mehr-shafqat, hazil-mutoyiba va o‘ziga xos uslub bilan amalga oshirishdir.

Hech qachon mag‘lubiyat qo‘rquvi o‘yin o‘ynashingizga to‘sqinlik qilishiga yo‘l qo‘ymang.

O‘zgarish uchun chuqur intilish zarur, o‘sish uchun esa undan-da chuqurroq intilish talab etiladi.

Harakat qilishga jur’at etmasang, hech qachon ko‘p yutuqqa erisha olmaysan.

Shaffoflik, halollik, mehribonlik, mohir boshqaruv, hatto hazil ham biznesda qo'l keladi.

Hayotimiz - sayohat, g‘oya - yo‘l ko‘rsatuvchi. Yo‘l ko‘rsatuvchi bo'lmasa, hammasi to‘xtab qoldi. Maqsad qo‘ldan ketdi, kuch ham yo‘qoladi.

5 yoshligimda onam har doim hayotda eng muhimi baxt ekanligini aytardi. Maktabga borganimda, katta bo‘lganimda kim bo‘lmoqchisan, degan savolga "baxtli inson" deb javob berganman. O‘shanda menga savolni tushunmayotganimni aytishdi, men esa hayotni ular tushunmayotganini aytdim.

Muvaffaqiyatli biznes yuritishga harakat qilayotganlarning hammasi ham chayqovchilar emas.

Biznes - bu o‘yin, agar siz uni qanday o‘ynashni bilsangiz, marra sizniki.

Biznesda voz kechishni biladigan odam omon qoladi.

Biznesda muvaffaqiyat qozonishning sehrli formulasi: xaridorlarga mehmondek, xizmatchilarga esa insondek munosabatda bo‘ling.

Biznesda eng qimmatli aktiv - bu sizning tasavvuringiz.

Biznes velosipedga o‘xshaydi. Muvozanatni saqlash uchun harakat qilish kerak.

Biznes nafaqat boylik orttirish, balki jamiyat uchun ham foyda keltirishdir.

Biznes sustkashlar uchun emas. Bu o‘z g‘oyalariga ishongan va ular ustida ishlashga tayyor bo‘lganlar uchun.

Biznes - shafqatsiz o‘yin. Bu yerda zaiflar yutqazadi.

Biznes - bu birovning cho‘ntagidan zo‘ravonliksiz pul undirish san’ati.

Kimningdir ehtiyojlarini qondirishga qaratilgan biznes odatda muvaffaqiyatli bo‘ladi; foyda olishga qaratilgan biznes kamdan-kam hollarda muvaffaqiyatga yuz tutadi.

Biz ishni boshlash uchun ilhomni kutishimiz emas, balki chaqirishimiz kerak. Harakat har doim ilhom uyg‘otadi. Ilhom kamdan-kam hollarda harakatni keltirib chiqaradi.

Muvaffaqiyat qoshingizga kelmaydi. Unga erishish uchun olg'a qadam tashlashingiz kerak.

Narigi qirg‘oqqa o‘tish uchun jarlikdan o‘tish kerak. Mashaqqatli yo'ldan keyin rohat keladi.

Men hech qachon muvaffaqiyat haqida orzu qilmaganman. Men buning uchun ishladim.

Muvaffaqiyatga erisha olmaslik ham ba’zan katta omad ekanligini unutmang.

Muvaffaqiyat baxtning kaliti emas. Baxt esa muvaffaqiyatning eng muhim kalitidir. Qilayotgan ishingiz o‘zingizga yoqsa - albatta muvaffaqiyatga erishasiz.

Paydo bo‘lgan istaklar kechiktirilmasdan amalga oshirilishi kerak. Aks holda, barchasi nihoyasiga yetishi miumkin. Umr qisqa, hozirning o'zida istaklaringni amalga oshir!

Muvaffaqiyat hammasi zo'r degani emas, muvaffaqiyatsizlik hali intiho emas; faqat kurashni davom ettirish uchun jasorat kerak.

Qancha ko‘p qiyinchiliklarni yengsak, kelajagimiz mustahkam va barqaror bo'ladi.

Orzu qildim va ishondim. Rejalashtirdim va harakat qildim. Men buni uddaladim. Hammasi juda oddiy. Qalbingizga quloq soling. U siz o‘ylagandan ham ko‘prog'ini biladi. Unga ishoning va qalbingiz "jizillagan" ishni qiling.

Ertangi yutuqlarimizning asosi bugungi shubhalarimizdir.

Men omadga qattiq ishonaman. Men qancha ko‘p ishlasam, omadga yaqinlashib boraveraman.

Doimo quyoshga qarang - soyalar ortingizda bo‘ladi.

Muvaffaqiyatsizlik - bu yangidan boshlash imkoniyati, lekin yanada mukammalroq.

Bilishning o‘zi yetarli emas, bilimdan foydalanish kerak. Biror narsani xohlamoq kamlik qiladi, amalda qilish kerak.

Oxir-oqibat hammasi yaxshi bo‘ladi. Agar hozircha yaxshi bo‘lmasa, demak, bu hali oxiri emas.

Barcha orzularimiz ro‘yobga chiqishi mumkin, agar ularni amalga oshirishga jur’atimiz yetsa.

G‘alaba qozonish uchun jangda bir martadan ortiq kurashishingizga to‘g‘ri kelishi mumkin.

Maqsadlaringizga erishgandan keyin nima olishingiz emas, balki uni amalga oshirgandan keyin kim bo‘lishingiz muhimroqdir.

Qo‘lingizdan keladigan hamma narsani, hatto orzu qilishingiz mumkin bo‘lgan ishlarni boshlang. Jasoratda daholik, kuch va sehr bor.

Baxt tayyor osh emas. Baxt faqat sizning harakatlaringizga bog‘liq.

Faoliyatim davomida 9000 marta xatoga yo‘l qo‘ydim. Men deyarli 300 ta o‘yinda yutqazdim. 26 marta menga hal qiluvchi zarba ishonib topshirilgan va men xatoga yo‘l qo‘yganman. Hayotimda qayta-qayta mag‘lubiyatga uchradim. Shuning uchun ham men omadliman.

Orzular - kelajak haqidagi xotiralar.

Ishoning va ko‘p mehnat qiling, shunda orzularingiz ro‘yobga chiqadi.

Faqat orzuingizga yaqinlashtiradigan ishlarni qiling.

Har bir kishiga kerak bo‘lgan yagona jasorat - bu o‘z orzulari ortidan ergashish yo'li.

Odamlar doim tanqid qilishadi. Seni sindirishlariga yo‘l qo‘yma. Maqsadga erishish - qasos olishning eng yaxshi ususli.

Muvaffaqiyatli bo‘lish uchun xudbin bo‘lish kerak. Aks holda hech narsaga erisha olmaysiz. Maqsadingiz cho‘qqisiga yetganingizdan so‘ng, beg‘araz bo‘ling. Atrofdagilar bilan aloqada bo‘ling, o‘zingizni boshqalardan ustun qo‘ymang.