Taqdir insonga qanchalik shafqatsiz bo‘lmasin, u qanchalik tashlandiq va yolg‘iz bo‘lmasin, doimo unga noma’lum bo‘lsa-da, uning qalb nidosiga javob berishga tayyor ochiq bir yurak topiladi.

Xarakter, muomala, uslub, barcha fazilatlarning eng go‘zali - oddiylikdir.

Behuda sarflangan muhabbat haqida so‘zlama! Muhabbat hech qachon zoye ketmaydi; agar u boshqa insonning qalbini boyitmagan bo‘lsa ham, uning suvlari xuddi yomg‘ir kabi o‘z manbasiga qaytib, uni yangilik va salqinlik bilan to‘ldiradi.

O‘zini hurmat qiladigan kishi boshqalardan himoyalangan bo‘ladi. U hech kim teshib o‘tolmaydigan sovut kiyib olgandir.

Toza qalb - bog‘, yaxshi fikr - ildizlar, chiroyli so‘zlar - gullar, yaxshi amallar - mevalardir. Bog‘ingizga g‘amxo‘rlik qiling va uni begona o‘tlardan ehtiyot qiling, uni yaxshi so‘z va yaxshi amal nuri bilan to‘ldiring.

Hatto xato ham muhim yutuq uchun zarur bo‘lgan yagona yo'l bo‘lishi mumkin.

Biz sevgan kishilarning javob muhabbati hayotimizni oziqlantiradigan olovdir.

Hayot falsafiy munozaraga o‘xshaydi: fikrlar turlicha, oxirida esa baribir umumiy xulosaga kelishga to'g'ri keladi.

Arzimagan narsalarga ahamiyat berish – dunyoqarashi tor odamlarning ishi.

Qabul qilingan qaror sizni boshqa tanlovdan mahrum qilishidan qo‘rqasiz va bu irodangizni sindiradi. Bunday vaziyatda hayot sizga tayyorlab qo‘ygan eng yaxshi narsalarni qo‘ldan boy beryapsiz. Sababi - ichki olovning yo‘qligi.

Qanchadan-qancha odamlar o‘zlarini oqko‘ngil deb o‘ylashadi, holbuki, bular shunchaki zaif asablardir.