Genri Uodsvort Longfello

Xarakter, muomala, uslub, barcha fazilatlarning eng go‘zali - oddiylikdir.

Biz o‘zimizni nimaga erishishga qodir ekanligimizga qarab baholaymiz; boshqalar esa bizni nimaga erishganligimizga qarab baholaydilar.

Qat’iyat muvaffaqiyatning g‘oyat muhim unsuridir. Eshiklarni yetarlicha uzoq taqillatib tursangiz, albatta kimnidir uyg‘otasiz.

Taqdir insonga qanchalik shafqatsiz bo‘lmasin, u qanchalik tashlandiq va yolg‘iz bo‘lmasin, doimo unga noma’lum bo‘lsa-da, uning qalb nidosiga javob berishga tayyor ochiq bir yurak topiladi.

O‘tmishga sog‘inch bilan boqmang. U qaytib kelmaydi. Bugungi va kelajakniaql bilan boshqaring. U sizniki. Olg‘a boring, tumanli kelajakka qo‘rqmasdan va mard yurak bilan peshvoz chiqing.

Muhabbatni sotib olib bo‘lmaydi - u o‘zini hadya qiladi.

Toza qalb - bog‘, yaxshi fikr - ildizlar, chiroyli so‘zlar - gullar, yaxshi amallar - mevalardir. Bog‘ingizga g‘amxo‘rlik qiling va uni begona o‘tlardan ehtiyot qiling, uni yaxshi so‘z va yaxshi amal nuri bilan to‘ldiring.

Men hayot jaziramasida kuydim, hayot yomg‘iri ostida shalabbo bo‘ldim va bu menga foyda keltirdi.

Bu dunyoda sevgidan shirinroq tuyg'u yo‘q. Ikkinchi o‘rinni, ehtimol, nafrat egallashi mumkin.

Behuda sarflangan muhabbat haqida so‘zlama! Muhabbat hech qachon zoye ketmaydi; agar u boshqa insonning qalbini boyitmagan bo‘lsa ham, uning suvlari xuddi yomg‘ir kabi o‘z manbasiga qaytib, uni yangilik va salqinlik bilan to‘ldiradi.

Barchamiz o‘z taqdirimizning yaratuvchilarimiz, biroq vaqtga tobe’miz.

O‘zini hurmat qiladigan kishi boshqalardan himoyalangan bo‘ladi. U hech kim teshib o‘tolmaydigan sovut kiyib olgandir.

Musiqa - insoniyatning universal tili.

Qat’iyatlilik - bu eng buyuk marhamatdir.