Tashqi go‘zallik faqatgina tananing barcha qismlarining antropologik mukammalligi yoki sog‘liqdan iborat emas. Bu ichki ma’naviyat - fikrlar va tuyg‘ularning boy olami, axloqiy qadr-qimmat, boshqalarga va o‘ziga hurmat, kamtarlikdan iboratdir.

Mehnat zavqi - bu avvalambor qiyinchiliklarni yengib o‘tish quvonchi, mana, biz jismoniy va ma’naviy kuchimizni sarflab, g‘olib bo‘ldik, uzoq vaqt intilib kelgan cho‘qqiga ko‘tarildik, deb faxr bilan his qilish va boshdan kechirishdir. Mehnat quvonchi - cho‘qqi sari sabot bilan harakat qilishda, tabiat kuchlari ustidan g‘alaba qozonishda.

Sevilmagan bolalar sevishni bilmaydigan insonga aylanadi.

Yaxshi tarbiya - o‘zimiz haqimizda qanchalik ko‘p va boshqalar to‘g‘risida qanchalik oz o‘ylashimizni yashira bilish san’atidir.

Bolalardagi sho‘xlikni yo‘q qilsangiz, hech qachon donishmandlarni tarbiyalay olmaysiz.

Haqiqiy erkak - ayolning tug‘ilgan kunini aniq eslaydigan, lekin uning yoshini hech qachon bilmaydigan erkakdir. Ayolning tug‘ilgan kunini eslay olmaydigan, ammo necha yoshda ekanini aniq biladigan erkak - uning eridir.

Oilangizni seving, mehnat qiling, ishtiyoqingiz bilan yashang.

Ona - yer yuzidagi o‘z mehrini o‘nta farzandga teng taqsimlay oladigan yagona insondir, va har bir bola baribir o‘zini chin dildan sevilayotganini his qiladi.