To‘g‘ri yasha, bor narsangga shukr qil, erkin bo‘l, ozodligingni va or-nomusingni asra. G‘am chekma, hasad qilma, sendan boy yoki kambag‘al odamlar dunyoda son-sanoqsizdir.

Sening do‘sting sen bilan dasturxon atrofida ichishni xush ko‘rgan emas, balki har qanday qiyinchilikda yordamga shoshiladigan insondir. U senga ishonchli qo‘l cho‘zib, tashvishlardan xalos etadi. Hatto senga yordam berganini ham sezdirmaydi.

Bu bevafo dunyoda ahmoq bo‘lmagin: Atrofdagilarga ishonishni o‘ylamagin. Eng yaqin do‘stingga sinchkov nazar sol - do‘sting balki eng yovuz dushmaning bo‘lib chiqar.

Atrofga kulib boqing. Har bir inson siz bilan uchrashuvni bir in’om deb his etsin.

Biri atirgulning hidini ajrata olmaydi. Boshqasi achchiq o‘tlardan asal oladi. Kimgadir arzimas narsa bersang, umrbod eslab qoladi. Kimgadir butun umringni bersang ham, u tushunmaydi.

Sarguzasht xavfli deb o‘ylasangiz, odatdagidek yashayvering. U undan ham halokatli.

Haqiqiy do‘stlik faqat bir-birining arzimagan kamchiliklarini kechira oladigan odamlar o‘rtasida bo‘ladi.

O‘zining kamchiligini anglash bilan mulohazalarda kamtarlik paydo bo‘ladi...

Xatolarni har doim kechirish mumkin, faqat ularni tan olishga jasorat topilsa.

Har qanday ehtiros xatolarga undaydi, ammo eng ahmoqona ishlarga muhabbat undaydi.

Noshukurlik - norozilik manbai.