Eng sara hikmatlar, ma'noli so'zlar, aforizmlar

Hech qachon hissiyotga beriluvchan yoki ta’sirchan bo‘lganingiz uchun kechirim so‘ramang. Bu sizning katta qalb egasi va buni boshqalarga ko‘rsatishdan qo‘rqmasligingizni belgisi bo‘lsin. O‘z his-tuyg‘ularini namoyish etmoq kuchlilik belgisidir.
— Noma'lum muallif
Insoniyat, Hayot

Sen yuqoriga ko‘tarilganingda do‘stlaring sening kimligingni bilib olishadi, ammo yiqilganingda sen o‘z do‘stlaringning kimligini bilib olasan.
— Mayk Tayson
Do'stlik

Agar ayol erkakka "Sen eng aqllisan" desa, demak, u boshqa bunday ahmoqni topa olmasligini tushunadi.
— Faina Georgiyevna Ranevskaya
Insoniyat, Ayol, Hayot

Orzu qildim va ishondim. Rejalashtirdim va harakat qildim. Men buni uddaladim. Hammasi juda oddiy. Qalbingizga quloq soling. U siz o‘ylagandan ham ko‘prog'ini biladi. Unga ishoning va qalbingiz "jizillagan" ishni qiling.
— Sergey Yastrebov
Insoniyat, Muvaffaqiyat, Motivatsiya

Ezgulik jamiyatni bog‘lovchi oltin zanjirdir.
— Iogann Volfgang fon Gyote
Yaxshilik

Kuchli ayol sevadi, kechiradi, voz kechadi, qo‘yib yuboradi, qayta urinadi va qaysarlik qiladi... Hayot unga nimani taqdim etishi muhim emas.
— Noma'lum muallif
Jamiyat, Insoniyat, Hayot

Tarbiyaning maqsadi boshqalar tomonidan boshqariladigan emas, balki o‘zini o‘zi boshqara oladigan shaxsni shakllantirishdir.
— Gerbert Spenser
Tarbiya

Do‘stlik xazinaga o‘xshaydi: unga solganingdan ortig'ini ololmaysan.
— Osip Mandelshtam
Do'stlik

Oila nima? Quvonch va qayg‘uda,kerakli vaqtda va nima bo‘lishidan qat’i nazar, sen bilan umrbod yashaydigan insonlardir.
— Sara Dessena
Oila

Sayohatni odamlar yaratmaydi - sayohat odamlarni yaratadi.
— Jon Steynbek
Insoniyat, Dunyo, Sayohat

Kelajak haqida nosog‘lom fikr yuritgan odamlar bugungi kunni unutadilar. Natijada na bugun, na ertangi kun uchun yashaydilar. Ular go‘yo hech qachon o‘lmaydigandek umr kechiradilar. Ammo jon berganda, aslida umuman yashab o‘tmaganliklarini anglab yetadilar. 
— Konfutsiy
Insoniyat

Shaxsiy qobiqdan chiqib, dunyoga nazar tashlash vaqti keldi. Hayot tarzingni o‘zgartirmasang, haqiqiy hayot yoningdan o‘tib ketadi.
— Ayn Rend
Insoniyat, Hayot, Motivatsiya

Bu dunyoning barcha shon-shuhrati bitta yaxshi do‘stning o‘rnini bosa olmaydi.
— Volter
Do'stlik

Haqiqiy javobgarlik faqat shaxsiy bo‘ladi.
— Fazil Iskander
Insoniyat, Hayot

Esingdan chiqarma, suyanadigan ikkinchi qo‘ling ham bor.
— Noma'lum muallif
Motivatsiya

O‘zingizga g‘amxo‘rlik qilish yurakdan boshlanmog‘i lozim, aks holda hech qanday pardoz-andoz foyda bermaydi.
— Koko Shanel
Insoniyat, Ayol, Go'zallik

Hech qanday oh-voh, hech qanday afsus-nadomat yo‘q! Faqat sog‘lom aql va qat’iyat!
— Sharlotta Bronte
Insoniyat, Idrok

Yaratish uchun o‘rganishingiz kerak!
— Fridrix Nitsshe
Ilm

Qirolichadek o‘yla. Qirolicha muvaffaqiyatsizlikdan qo‘rqmaydi. Omadsizlik buyuklik sari qo‘yilgan yana bir qadamdir.
— Opra Uinfri
Mehnat, Ong, Insoniyat, Jamiyat

Nafrat, gunoh va hasaddan qoch! Orzuingni ko‘mishga yo‘l qo‘yma, uni haqiqatga aylantir. Olg'a intil va yasha.
— Bob Marli
Insoniyat, Hayot, Motivatsiya, Harakat

Aforizmlar.uz loyihasi haqida

Aforizmlar.uz – donishmandlar, buyuk mutafakkirlar va mashhur insonlarning eng sara hikmatli so'zlari jamlangan portal. Saytimizda o'zbek va jahon donishmandlarining chuqur ma'noli fikrlari, hayotiy tajribalar asosida yaratilgan maqollar hamda turli mavzulardagi aforizmlar to'plangan. Barcha hikmatli so'zlar mavzular bo'yicha turkumlangan bo'lib, ulardan kundalik hayotda, ta'lim jarayonida va ilmiy ishlarda foydalanish mumkin.